me zin weer in zoakn nog ooltid an tmoakn
de kreetn damme sloakn zinder van victorie
ip boane noan top van de kemmel en de klus
ik en min surplus kloap over van gedachtn
en ander gastn mo trachtn van wok ntwoa te groakn
mo dad i ginne vetn ti zels gin proboatie
ze misn de goe stofoatie die vereist i voe Seboar te kun rapn
ip ndeftige maniere kvertrekke gin spiere en kroepe oere
kvloere zool teegn dek lik ne catcher
en ksmitte zin de lucht lik ne zak petatn
en kloate ze nere komn me geweld ip minne knie
en kgebruke ze voe persine van kmoete pepi
min eloquentie wer gemanifesteerd in vrji groate proportie
voe tvoardjil van de wereld
me kun der mo wel bie voarn en de massa mo stoarn
ze kun niet verstoan oe dat de zoakn ezoa kun goan

an dedee die ntwa te meldn en
ge gidder zeker gin oagn in underne kop
tverskil tusn gidr en widr vool te verglikn me
tverskil tusn de liefebbers en tusn de profs
ip de cyclocross
an dedee die ntwa te meldn en ge gidr zeker gin oagn in underne kop
ip de cyclocross
oei u wil meetn an 't Hof
oed u ton vanjistkji mo grjid voe te bitn in tstof

behekste teksten sloan in u anzichte lik minne reksen tegen u traepe
excuseer mie dak o hiel 'n avond gaepe in u richtinge moa
min verplichtinge voe te vraegen over bezichtiginge van de marchandise
i nie zwaer, de gruote warmte is irbaer

en zeg ne kji dak nie magge,
'k moe mie inoden of 'k lache zinder minder gasten die mie tegenspreken dan vroeger of zin da min gedachten?

ge moe under echt nie forceren
moa een kljin bitje trachten
Ik benne nog oltit de zelstn, ge moe mie nie verjirren of verachten
't komt ne gast noa mie, ie stinkt noa 'n drank, rook
en noa goedkuope wuve parfumerie
tis in de sjakosse zegt ie
de melodie van 't levene is in 1 2 3 beskreven lik kluoterie
zeg 't tegen iederjin daj 't huort it van mie


beseftje hie wel wie dak benne
komme kik niet ut venne-bus
wank gebrukke drus
drienke mjir kortn drank danne dakluoze rus
utslapen doek ip minne sobakawa-kus
en vuo dakt vergete hid o de grotjes uit de west-vlaanders

ier i minnen trip ke der vrjid an gezwjit
ke ne nie gekocht mo wel gecreëerd
deur middel van maneuvers groakek an nerrevee
kwin ook de criteriums ip minne pistier
mo me zitn niet ip de koers of ip n boucle de spa
ti gin atletiek of gin woaterballet
de duvn wern niet gemolkn en de vinkn niet gezet
twer ier nie gebiljard en de batjes em ook get
de postolees me gekap zin ool ip de trofees zin ool gegeevn
de kampieon is ook inoald dus twer ier niemji gemannild
der zit niet ander ip dan deure te doen me tleevne
tkan melkien een bitje stinkn mo BZA bluf buzze geevn
lik nen oto ip ne moto kan commerce luwe kletsn
me kun vee beter rapn dan damme kun metsn
mo men nie vee behoefte voe ndoenige te zetn
tkom goed ut voer ool die klutn van oes talent dad i ne vetn

an dedee die ntwa te meldn en
ge gidder zeker gin oagn in underne kop
tverskil tusn gidr en widr vool te verglikn me
tverskil tusn de liefebbers en tusn de profs
ip de cyclocross
an dedee die ntwa te meldn en ge gidr zeker gin oagn in underne kop
ip de cyclocross
oei u wil meetn an 't Hof
oed u ton vanjistkji mo grjid voe te bitn in tstof

prachtige raps ontstaen bie 't plebs van Izzegem en omstreekn
an 1 gebreide woorden komn in hièle reekn
fakers voln deur de mande
zin nie hoe genoeg gekeken noa 't Hof van Commerce
kwinne den tour de met ne villo zonder steekn

de reegne i ne zeegne oi van de wermte nie kun bewegen
kbent ant overwegen van ne misdaad te plegen
want dat is wik dat is oi ne smuort
inderdaad der zin oltit minsen die 't beskouwn lik mourt

ti tristig voe te beseffen moa 'tis 't verskil tussen baffen en beffen
mette tegenstanders zimme nog nie effen
de maetregels van commerce hoan under rechte in 't erte treffen
hit ier ferme zwjiten lik nen ond goi hie ier keffen